Sağ əlin içi sola doğru, baş barmağı yuxarı, digərləri açıq, bitişik və önə tərəf tutulur. Sol əlin barmaqları açıq, aralı olmaqla orta barmaq sağ əlin içinə vurulur. Hər iki əl azca çevrilərək jest təkrarlanır. Sağ əlin içi yuxarı, baş barmağı aralı, sağa doğru, şəhadət, orta, adsız, çeçələ önə tərəf bitişik tutulur. Sol əlin şəhadət, orta, adsız, çeçələ barmaqları bitişik və sağa doğru olmaqla baş barmağın üstü sağ əlin orta hissəsinə üç dəfə vurulur.